Top News

OneIndia Malayalam

'ലീഗ് പ്രവർത്തകന്റെ കൊല കീഴാറ്റൂരിലെ ദയനീയ തോൽവിയുടെ പ്രതികാരം', സിപിഎമ്മിനെതിരെ പികെ ഫിറോസ്

മലപ്പുറം: മലപ്പുറം മഞ്ചേരിയിൽ മുസ്ലീം ലീഗ് പ്രവർത്തകൻ കൊല്ലപ്പെട്ട സംഭവത്തിൽ സിപിഎമ്മിനെതിരെ യൂത്ത് ലീഗ് നേതാവ് പികെ ഫിറോസ്. തദ്ദേശ തിരഞ്ഞെടുപ്പിൽ കീഴാറ്റൂരിൽ തോറ്റതിന്റെ പ്രതികാരമാണ് ഷമീറിന്റെ കൊലപാതകം എന്ന് പികെ ഫിറോസ് ആരോപിച്ചു. തിരഞ്ഞെടുപ്പിന് മുൻപ് തന്നെ സിപിഎം പ്രദേശത്ത് പ്രകോപനം ആരംഭിച്ചിരുന്നുവെന്നും തിരഞ്ഞെടുപ്പ് തോൽവിക്ക് ശേഷം ഭീഷണിയിലേക്ക് കടന്നുവെന്നും ഫിറോസ് ആരോപിക്കുന്നു. കൊല്ലപ്പെട്ട ഷമീറിന്റെ കുടുംബത്തെ പികെ ഫിറോസ് സന്ദർശിക്കുകയുണ്ടായി.

OneIndia Malayalam

ലീഗ്‌ മതാധിഷ്ടിത പാര്‍ട്ടി തന്നെ; ആവര്‍ത്തിച്ച്‌ ആരോപിച്ച്‌ എ വിജയരാഘവന്‍

തിരുവനന്തപുരം: ലീഗ്‌ മതാധിഷ്ടിത പാര്‍ട്ടി തന്നെയെന്ന്‌ ആവര്‍ത്തിച്ച്‌ സിപിഎം സംസ്ഥാന സെക്രട്ടറി എ വിജയരാഘവന്‍. ലീഗുമായി തമിഴ്‌നാട്ടില്‍ സിപിഎമ്മിന്‌ സഖ്യമില്ല. ഡിഎംകെയുമായാണ്‌ സഖ്യമുള്ളതെന്നും വിമര്‍ശനത്തിന്‌ മറുപടിയായി വിജയരാഘവന്‍ പറഞ്ഞു.ലീഗ്‌ മതാധിഷ്ടിത പാര്‍ട്ടിയാണ്‌. ഇപ്പോള്‍ കൂടുതല്‍ മതാധിഷ്ടിത ചേരിയിലേക്ക്‌ ലീഗ്‌ ചേക്കേറിയിരിക്കുകയാണ്‌. തദ്ദേശ തിരഞ്ഞെടുപ്പില്‍ മതാധിഷ്ടിത സഖ്യമുണ്ടാക്കിയത്‌ കോണ്‍ഗ്രസാണ്‌. ബിജെപിയുമായും കോണ്‍ഗ്രസ്‌ വെച്ച്‌‌ കച്ചവടം നടത്തിയെന്നും വിജയരാഘവന്‍ ആരോപിച്ചു.

OneIndia Malayalam

കർഷകന്റെ മരണത്തെ കുറിച്ച് ട്വീറ്റ്; രാജ്ദീപ് സർദേശായിക്ക് വിലക്കുമായി ഇന്ത്യ ടുഡെ, ശമ്പളവും കട്ട് ചെയ്തു

ദില്ലി; റിപബ്ലിക് ദിനത്തിൽ വിവാദ നിയമത്തിനെതിരായ ട്രാക്ടർ റാലിക്കിടെ കർഷകർ കൊല്ലപ്പെട്ടത് പോലീസ് വെടിവെയ്പ്പിലെന്ന് ട്വീറ്റ് ചെയ്യുകയും ചാനൽ പരിപാടിയിൽ പറയുകയും ചെയ്ത മുതിർന്ന മാധ്യമപ്രവര്‍ത്തകന്‍ രാജ്ദീപ് സര്‍ദേശായിക്ക് വിലക്കേർപ്പെടുത്തി ഇന്ത്യാ ടുഡേ. പരിപാടികൾ അവതരിപ്പിക്കുന്നത് വിലക്കിയതിനോടൊപ്പം ഒരു മാസത്തെ ശമ്പളവും റദ്ദാക്കിയിട്ടുണ്ട്. രണ്ടാഴ്ചത്തേക്കാണ് വിലക്ക്. അതേസമയം സംഭവത്തിൽ പ്രതികരിക്കാൻ രാജ്ദീപ് സർദേശായി തയ്യാറായിട്ടില്ല.